DREJTIMI HOTELERI TURIZËM
Qëllimi kryesor i arsimimit profesional në drejtimin “Hoteleri-turizëm”, niveli II-IV i KSHK (Korniza Shqiptare e Kualifikimeve), është “zhvillimi i personalitetit të nxënësve për të jetuar në përshtatje me botën që i rrethon dhe përgatitja e tyre për t’u punësuar në veprimtaritë profesionale që lidhen drejtpërdrejt me shërbimet në fushën e hotelerisë dhe turizmit”.
Për të realizuar këtë shkolla profesionale u krijon nxënësve:
- mundësi të përshtatshme për të nxënë, pavarësisht nga gjinia, raca, besimi dhe aftësitë;
- mundësi për të gjithë, për të zhvilluar kompetencat profesionale, të bazuara në njohuritë,shprehitë, qëndrimet dhe vlerat, të mjaftueshme për të lehtësuar punësimin dhe përparimin drejt arsimit e formimit profesional të mëtejshëm;
- mbështetje për t’u njohur me rregullat e sigurimit teknik e të ruajtjes së mjedisit në përputhje me standardet ndërkombëtare dhe për t’i zbatuar ato me rreptësi;
- mbështetje për t’u njohur me teknologjitë e proceset teknologjike bashkëkohore e të perspektivës, që lidhen me kualifikimin profesional përkatës;
- mbështetje për të zhvilluar ndjenjën e disiplinës, kuriozitetin intelektual dhe profesional,si dhe vlerat morale;
- mbështetje për t’u zhvilluar psikologjikisht dhe fizikisht, për të përballuar vështirësitë që do të ndeshin gjatë veprimtarive të ardhshme profesionale;
- mbështetje për të zhvilluar frymën e tolerancës dhe të mirëbesimit nëpërmjet përvojës së punës.
Përfundimi me sukses i kualifikimit profesional ”Hoteleri-turizëm”, niveli II-IV i KSHK,e pajis nxënësin me certifikatën e punonjësit gjysmë të kualifikuar (ndihmës) në këtë drejtim. Ky kualifikim i jep nxënësit mundësi t’i drejtohet tregut të punës si ndihmës nё sektorin e hoteleri turizmit (bare, restorante, mensa, vetëshërbime agjenci kateringu,hotele, agjenci turistike, zyra informacioni, spitale, (HORECA) etj).
Pas përfundimit të nivelit të II të KSHK, nxënësi mund të vazhdojë studimet në nivelin e III të KSHK në një prej profileve të drejtimit “Hoteleri-turizëm”, dhe e pajis nxënësin me certifikatën e punonjësit të kualifikuar.Me vijimin e mëtejshëm të arsimit profesional edhe në nivelin IV të KSHK, nxënësi fiton ”Maturën shtetshtetore profesionale” me mundësi për vazhdimin e studimeve universitare ose pas të mesmes si dhe me certifikatën e menaxherit në fushën e hoteleri-turizmit.
- PROFILI KUZHINË-PASTIÇERI
Mundësitë e punësimit:
Përfundimi me sukses i kualifikimit profesional “Kuzhinë-pastiçeri”, niveli III në KSHK, e pajis individin me Dëftesën e përfundimit të këtij niveli si dhe me Certifikatën e aftësimit profesional, të punonjësit të kualifikuar në këtë kualifikim, i cili njihet në territorin e Republikës së Shqipërisë.
Ky arsimim i jep mundësi individit t’i drejtohet tregut të punës si kuzhinier dhe si pastiçier në restorante dhe pastiçeri të ndryshme në industrinë e mikpritjes.
Kompetencat/aftesitë e fituara në këtë profil:
- Të kryejë procese përgatitore në kuzhinë dhe pastiçeri.
- Të hartojë planin e prodhimit ne kuzhinë.
- Të përgatisë buljone,supra.
- Të përgatisë salca të nxehta dhe të ftohta.
- Të përgatisë asortimente me mish, shpendë dhe kafshë të egra, peshk dhe prodhime deti.
- Të përgatisë brumra specialë, rizoto, menu për bankete, menu për kokteje.
- Të përgatisë garnitura me perime dhe brumra.
- Të gatuajë asortimente tipike shqiptare.
- Të përgatisë shurupe, kisele, zhele, marmelata, prevede, gliko.
- Të përgatisë kremra në pastiçeri, brumra në pastiçeri.
- Të dekorojë ushqimet në kuzhinë dhe pastiçeri sipas rregullave të estetikës.
- Të zbatojë elementet e marketingut në veprimtarinë e kuzhinës dhe pastiçerisë.
- Të kryejë llogaritje ekonomike në veprimtarinë e kuzhinës dhe pastiçerisë.
- Të mirëmbajë mjetet dhe mjedisin e punës, inventarizimin e mjeteve tё punёs.
- PROFILI BAR-RESTORANT
Mundësitë e punësimit:
Përfundimi me sukses i arsimit profesional nё profilin “Bar-Restorant”, niveli III i KSHK, e pajis nxënësin me certifikatën e punonjësit të kualifikuar në këtë profil profesional. Ky arsimim i jep mundësi nxënësit t’i drejtohet tregut të punës si barist dhe si kamarier në bare dhe restorante të ndryshme në industrinë e mikpritjes.
Kompetencat/aftesitë e fituara në këtë profil:
- Të kontrollojë punët parapërgatitore për pritje dhe bankete brenda dhe jashtë restorantit.
- Të zbatojë metodat e shërbimit në restorant, ushqim dhe pije në dhomën e klientit
- Të shërbejë në bankete,pritje,bufe,pushim kafeje, aktivitete jashtë restorantit dhe hotelit;
- Të kryejë flambime në sy të klientit,filetime,gatime
- Të hartojë dhe interpretojë menunë;
- Të mirëmbajë inventarin e pijeve në bar, pajisjeve dhe mjetet e punës në bar
- Të përgatisë kartën e pijeve (listë menunë) e barit;
- Të përgatisë pije mikse të ngrohta me bazë kafeje dhe alkol në bar;
- Të përgatisë pije aperitive, pije dixhestive,alkoolike dhe joalkoolike në bar
- Të zbatojë elementet e marketingut në shitjet në bar dhe restorant;
- Të zbatojë rregullat etikës dhe estetikës në shërbimet e barit dhe restorantit;
- Të inventarizojë mjetet dhe pajisjet në vendin e punës;
- Të kryejë llogaritje të thjeshta ekonomike në veprimtarinë e barit dhe restorantit;
- Të mirëmbajë mjetet dhe mjedisin e punës;
- PROFILI SHËRBIME NË HOTEL DHE RESTORANT
Mundësitë e punësimit:
Përfundimi me sukses i arsimit profesional nё profilin “Shërbime në hotel dhe restorant”,Niveli III i KSHK, e pajis nxënësin me certifikatën e punonjësit të kualifikuar në këtë profil profesional.Ky arsimim i jep mundësi nxënësit t’i drejtohet tregut të punës si punonjës i specializuar në sektorë të ndryshëm (kuzhinë, restorant, bar, housekeeping dhe recepsion) në industrinë e mikpritjes.
Kompetencat/aftesitë e fituara në këtë profil:
- Të shërbejë nё restorant sipas metodave tё shёrbimit;
- Të shërbejë pijet në restorant dhe bar;
- Të përgatitë sallën për aktivitete tё ndryshme nё restorant;
- Të kryejë filetime në tavolinën e klientit;
- Të përgatisë kartën e pijeve (listë menunë) e barit,pijet mikse, ushqime të vogla shoqëruese;
- Të përgatisë pije mikse në bar;
- Të zbatojë elementet e marketingut në shitjet në bar, restorant, recepsion;
- Të zbatojë rregullat e higjienës në vendin e punës;
- Të zbatojë rregullat etikës dhe estetikës në shërbimet e barit, restorantit etj.;
- Të hartojë dhe interpretojë menunë nё restorant;
- Tё pёrgatitё asortimente nё kuzhinё me prodhime organike të zonës;
- Të përgatitë ushqime me mish, peshk, prodhime deti, shpendë dhe kafshë të egra;
- Tё pёrgatitё brumra dhe asortimente me to, asortimente të pastiçerisë;
- Të kryejë llogaritje të kostove tё produkteve nё kuzhinё, bar dhe restorant;
- Tё paketojё ushqimin e klientёve pёr udhёtime;
- Të kryejë shërbime në recepsion, veprime të thjeshta financiare nё recepsion;
- Të orientojë klientët për vizita, udhëtime dhe argëtim në zonë;
- Të kryejë shërbime pastrimi në hotel etj.
Apliko për tu rregjistruar
Ne besojmë që nxënësit :
- Duhet te jenë të aftë profesionalisht për t’iu pershtatur nevojave të tregut të punës në nivel kombëtar dhe ndërkombëtar.
- Kanë gjithmonë stile të ndryshme të nxëni dhe, natyrisht edhe nevoja të ndryshme për të mësuar.
- Të gjithë duhet të rriten dhe të zhvillohen me një personalitet të plotësuar.
